كتبت: أماني موسى
أعرب الإعلامي الشاب "يوسف الحسيني" عن استياءه من مساندة الثوار للإخوان في معارك سياسية تخص الجماعة. موجهًا رسالة للثوار: لازم نبطل نخوض معارك مش بتاعتنا ونبطل الثقة في الإخوان و المجلس ونشكّل كيان موحد. وأكد على أن الإخوان تقوم بدفع الثوار لخوض معركتهم وينجرف الثوار بحماسهم كالعادة.
مضيفًا: الشباب اللى معترض على الإعلان الدستورى اللى بيحدد صلاحيات معينة للرئيس أذكركم لقد ثرتم على مبارك لأن كان له صلاحيات مطلقة.
ورفض الحسيني ما يردده البعض بأن مرسي هو مرشح الثورة وأكد على أن الإخوان لا يعنيهم سوى الوصول للسلطة باستخدام الثوار لتحقيق مصالحهم.
وأستشهد بمواقف سابقة للإخوان ومنها:
1- لما كان الشباب بيهتفوا "يانجيب حقهم يا نموت زيهم" كانوا بيطلقوا صواريخ للاحتفال بفوزهم بمجلس الشعب.
2- خيرت الشاطر وجون ماكين وللا صفقته مع أمن الدولة في2000 و2005 وللا اجتماع مدير المخابرات القطري.
3- افتكروا لما الناس هتفت"يسقط حكم العسكر" في 25يناير2011 الإخوان عملوا إيه.... أغاني وطنية و قرآن كريم للتشويش على الهتاف.
4- البرلمان بتاعنا وهندخل لكن لما الثوار راحو في مظاهرة ضربوهم.
5- قانون العزل مش مهم لكن لما جه عمر سليمان بقى هدف وطني.
6- مش هنرشح حد للرياسة، مش هناخد البرلمان، أيوة اتفاهمنا مع أمن الدولة في 2005، القضاء مش نزيه لكن لو جاب مرسي يبقى فلة.
7- البت لابسة عباية بكباسين وإيه اللي نزلها.
8- الشرعية من البرلمان مش من الميدان.
9- التأسيسية الأولى+التأسيسية التانية+الدستور بنعم.
10- الإخوان: مش هننزل 25 يناير ولو حد نزل من عندنا يبقى مع نفسه.
11- اللي في محمد محمود بلطجية.
12- اللي في مجلس الوزراء بلطجية واللي في الشيخ ريحان بلطجية.
وأختتم الحسيني... فعل الإخوان كل ما سبق قبل أن يصلوا للحكم، ماذا بعد الوصول، للثوار: خوضوا معارككم ضد الحكم العسكري بذكاء بعيدًا عن براجماتية الإخوان ?أفيقوا.?مؤكدًا: أنا لا أهاجم الإخوان بل أواجههم بما يتناسوه.
مشيرًا لو الإخوان عندهم نوايا حسنة يشكلوا مجلس رئاسي فورًا ويكتبوا الدستور مع كل القوى الوطنية قبل أن يتسلم مرسي الرئاسة
الأقباط متحدون
هناك تعليق واحد:
يا عم الخفيف تكلم عن نفسك و عن سيدك شفيق.
إرسال تعليق