الأحد، 16 يونيو، 2013

ابراهيم عيسى

عزيزي المواطن المصري "المسيحي" انت مرعب
لا انت قريت الكلمة صح "مرعب" مش مرعوب

حضرتك مش أقلية حضرتك كتير و مؤثر و نزولك الشارع يوم ٣٠ يونيو مسبب حالة هلع للأخوان و شركائهم

عزيزي المواطن المصري المسيحي اقرا تاريخ مصر في الحقبة القبطية هتعرف ان "أجدادنا الأقباط" كانوا نموذج للمقاومة السلمية الاكتر نجاح في تاريخ البشرية .. ايوة أجدانا الأقباط مش أجداد حضرتك بس، أنا اصلي قبطي يعني مصري، اقرا تاريخ الأقباط في المقاومة السلمية ضد الرومان، المقاومة اللي خلت روما تترك عبادة الأوثان و تعتنق المسيحية بعد ما عملوا في أجدادنا الأقباط أبشع أنواع التطهير العرقي و ذهبت الامبرطورية الرومانية و اختفت من الوجود و ظلت الأقباط ثابتين على مبادئهم و أفكارهم و عقائدهم.

عزيزي المواطن المصري المسيحي .. الإخوان بمجرد ما يتخيلوا ان نفس العدد من ملايين المسيحيين اللي نزلوا يلقوا نظرة الوداع على البابا الراحل البابا شنودة رحمة الله عليه لمدة ٣ أيام متواصلة ممكن ينزلوا ضد حكم المرشد أيد واحدة في أيد المصريين "المسلمين" بيصاب الإخوان بحالة من الفزع و الرعب لمجرد تخيل هذا المشهد

عزيزي المواطن المصري المسيحي انت مسبب لهم رعب والمصحف الشريف راعبهم

ليست هناك تعليقات: